चितवनबाट हेटौडा आइरहेको मोटरसाइकल जुध्यो,मोस चालकको घटनास्थलमा नै मृत्यु

हेटौडा,२६जेष्ठ
महेन्द्र राजमार्गको मनहरि गाविस, वडा नं. ८ रजैयामा पर्ने सडकखण्डमा हिजो भएको दुर्घटनामा २ युवकको मृत्यु भएको छ ।

हेटौडाबाट चितवनतर्फ जादै गरेको ना.३ ख ४४७३ नं. को ट्रक र चितवनबाट हेटौडा आइरहेको बा. १४प १८८७ नं.को मोटरसाइकल जुधेर भएको सो दुर्घटनामा मोटरसाइकलमा रहेका दुवै युवकको घटनास्थलमा नै मृत्यु भएको थियो ।

मृत्यु हुनेहरूमा धनुषा जिल्लाका भेषकुमार लामा र सर्लाही जिल्ला, हरिऔनका टीका अधिकारी भएको जिल्ला प्रहरी कार्यालय, मकवानपुरले जनाएको छ ।

मोटरसाइकल र ट्रक दुवैको गति अत्यधिक रहेको र मोटरसाइकलले 'रिङ ओभरटेक' गर्दा पानी परिरहेको चिप्लो सडकमा चिप्लेर सो दुर्घटना भएको बताइएको छ ।

यसरी नै हेटौडा नगरपालिका, वडा नं. ८ कमानेमा हिजै ना.१ज १६९८ नं.को माइक्रोबस र ना.३प ७४२५ नं.को मोटरसाइकल ठोक्किदा हेटौडा­ नगरपालिका, वडा नं. ७ का राजु श्रेष्ठ र विकास गुरुङ घाइते भएका छन् ।

घाइते दुवैको भरतपुर अस्पतालमा उपचार भइरहेको बताइएको छ ।