तीन दिने शैक्षिक हडतालको दोस्रो दिन आज पनि देशभरका विद्यालय बन्द

वीरगंज,माघ 24
नेपाल शैक्षिक गणतान्त्रिक मञ्चले सरकारसँग भएका सम्झौता कार्यान्वयन नभएको भन्दै आहृवान गरेको तीन दिने शैक्षिक हडतालको दोस्रो दिन आज पनि
देशभरका विद्यालय बन्द भएका छन् । गत वर्ष सरकार र मञ्चबीच भएको सहमतिको कार्यान्वयन नभएको भन्दै मञ्चले विद्यालय बन्दको आहृवान गरेको
हो । प्रवेशिका परीक्षाको पूर्वसन्ध्यामा शैक्षिक संस्था बन्द नगर्न विभिन्न शैक्षिक सङ्घसंस्था, राजनीतिक दलले आग्रह गरे पनि मञ्चले सोको व्यवस्था गर्दै
बन्द कार्यक्रमलाई निरन्तरता दिएको छ ।मञ्चले सामुदायिक विद्यालयका कर्मचारीलाई दरबन्दी सिर्जना गरी स्थायी गर्नुुपर्ने, अस्थायी शिक्षकलाई प्रक्रिया
पूरा गरी स्थायी गर्नुुपर्ने, संस्थागत विद्यालयका शिक्षक कर्मचारीहरूलाई स्थायी नियुक्ति दिई सामुदायिक विद्यालयका शिक्षकसरह न्यूनतम तलबभत्ता
दिइनुपर्ने र शिक्षा क्षेत्रको कम्पनी ऐन खारेज गर्नुुपर्नेलगायतका माग राख्दै आएको छ ।