अज्ञात समुहको गोलीबाट स्कुले बालिका घाइते

दाङ,४ भदौ
तुलसीपुर नगरपालिका, वडा नं. ९ बेलुवास्थित जनप्रेमी बोर्डिङ स्कुल नजिक हिजो राति करिब ९ बजे अज्ञात व्यक्तिद्वारा चलाइएको गोली लाग्दा सो बोर्डिङ स्कुलका छात्रावासकी गार्जियन कमला थापा गम्भीर घाइते भएकी छन् ।

प्रहरीका अनुसार सोही घटनामा थप एक जना सामान्य घाइते भएका छन् । इलाका प्रहरी कार्यालय, तुलसीपुरका अनुसार घटनापछि छात्रावासका रहेका छात्रछात्रा त्रसित भएका छन् ।

प्रत्यक्षदर्शीहरूले कटुवा पेस्तोलबाट पाँच राउन्ड गोली चलाइएको आवाज सुनिएको बताएका छन् । घटनाबारे अनुसन्धान भइरहेको प्रहरीले जनाएको छ । अन्त्यन्त गम्भीर अवस्थामा रहेकी ४५ वषर्ीया थापाको तुलसीपुरस्थित राप्ती केयर अस्पतालमा उपचार भइरहेको छ ।