नेपाल ट्रेड युनियन काँग्रेस स्वतन्त्रको संगठनात्मक स्थिति कमजोर सहभागीहरुको आरोप

वीरगंज , २२ चैत्र
विभा लुइँटेल
नेपालको टेृेड युनियन आन्दोलनमा आफ्नो स्थापना काल देखि नै अग्रणी र नेतृत्व दायि भुमिका निर्वाहगर्दै आएको नेपाल टृेड युनियन काँग्रेस स्वतन्त्रको महाधिवेशनमा सहभागिहरुले आफ्नो युनियनको संगठनात्मक स्थिति कमजोर भएको आरोप लगाएका छन् ।

वीरगंजमा जारी महाधिवेशनको बन्द सत्रमा युनियनको संगठनात्मक अवस्थाको समिक्षा गर्दै सहभागिहरुले संगठनमा विदेशि दातृ संस्थाहरुबाट सहयोग स्वरुप आएका रकम पनि लक्षित वर्ग सम्म नपुगेको समेत आरोप लगाएका छन् ।

शान्ति स्वतन्त्रता र वर्गीय सुरक्षा हाम्रो अभियान , मर्यादित काम र सामाजिक सुरक्षाका लागि लोकतान्त्रिक संविधान भन्ने मुल नाराका साथ हिजोबाट शुरु भएकेा महाधिवेशनले संगठनको स्थिति संगठनात्मक अवस्थाको समिक्षा , भावि कार्यक्रम र टृेड युनियन आन्दोलन , नयाँ नेतृत्वको चयन र अब बन्ने संविधानमा मजदुर अधिकारका विषयमा छलफल गर्ने बताईएको छ । नयाँ नेतृत्वको चयन गर्दै महाधिवेशन भोली सकिने छ ।