खेलकुदमन्त्रीद्वारा मिर्गौला पीडित खेलाडीको बिदाइ

युवा तथा खेलकुदमन्त्री गणेश तिवारी नेपालीले भारतको चन्डीगढमा स्वास्थ्योपचारका लागि जान लाग्नुभएकी मिर्गौला पीडित पूर्व राष्ट्रिय तेक्वान्दो खेलाडी मञ्जु तुलाधारलाई आज बिदाइ गर्नुभयो ।कलङ्की स्युचाटारमा स्थायी घर भएकी ४२ वषर्ीया तुलाधारलाई रु १८ लाख ७२ हजारको चेक प्रदान गर्दै बिदाई गरिएको हो तुलाधार र उहाँका भाई आजै त्यसतर्फप्रस्थान गर्नुभयो ।तुलाधरको उपचारका लागि नेपाल राष्ट्रिय तथा अन्तर्राष्ट्रिय खेलाडी सङ्घको पहलमा राष्ट्रिय खेलकुदपरिषद्लगायत विभिन्न खेल सङ्घ तथा व्यक्तिबाट रकम सङ्कलन गरिएको थियो ।

सो अवसरमा मन्त्री नेपालीले भारतमा स्वास्थ्योपचार गरार्इरहनुभएका पूर्व राष्ट्रिय भलिबल खेलाडी मिर्गौला रोगी दिनेश बानियाँको स्वास्थ्यस्थितिकाबारेमा खेलाडी सङ्घका अध्यक्ष दीपक बिष्टसँग जानकारी लिनुभएको थियो ।तुलाधरका पति क्षितिज अरुण श्रेष्ठ नेपाल ओलम्पिक सङ्ग्रहालयको संस्थापक तथा अध्यक्ष हुनुहुन्छ । उहाँहरुका एकमात्र छोरी सान्सी श्रेष्ठ हाल एक कक्षामा पढ्दै हुनुहुन्छ । उहाँले स्वास्थ्योपचारका क्रममा त्रिपुरेश्वरस्थित ब्लुक्रस नर्सिङहोममा २१ पटक डायलाइसिस गराइसक्नुभएको छ ।